Protesta antitaurina de ADEGA e diversos colectivos ambientalistas e de defens ados animais polo "festexo" taurino celebrado este verán en Negreira.
A tortura non é arte nen cultura!
Vídeo dos recentes vertidos da piscifatoría de Stolt en Quilmas (Carnota). Esta é unha das inatalacións máis "avanzadas" en canto ao tratamento ambiental dos efluentes!!??. Como estarán no resto... Pensos, antibióticos, produtos químicos. Todo vai ao mar por un tubo. Isto é o que vai significar multiplicado por 26, o Plano Acuícola para a costa galega.
Manifestación en defensa da costa e contra a construcción de dúas megapiscifatorías en Camelle e Arou o pasado 30 de decembro. Pola nosa costa, polo noso mar, NON AO PLANO ACUÍCOLA!!!
Relatorio das peripecias do conxunto megalítico da Mourela. A burocracia e o desleixo da administración polo noso patrimonio poden acabar dando a puntilla a este monumento senlleiro, a maior gloria do "progreso".
Pode haber maior desprezo polo país?
Reportaxe sobre a cadea humana do pasado 16 de decembro en Merexo(Muxía). Máis de 2.000 persoas xuntámonos en defensa da nosa costa e do noso mar e contra o insustentábel Plano Acuícola que promove a Xunta.
Vídeo do acto do 4/1/2008 en Aguiño, organizado pola Confraría e a asociación Sagres. Tratouse de avaliar o feito durante a catástrofe do Prestige e de informar sobra a nova marea gris de cemento e formigón que ameaza esta costa: unha macrodepuradora de 20.000 m2 e unha piscifatoría de 50.000.
Este vídeo, realizado pola RTP (programa Biosfera) pretende amosar a realidade dos macroproxectos de acuicultura en Galiza e Portugal. Son instalacións de alto impacto ambiental, grande carga contaminante e moi baixa xeración de postos de traballo.
O domingo 4 de novembro, milleiros de persoas démonos cita en Corrubedo para defender a costa da barbarie depredadora das transnacionais do peixe que queren ocupar máis de 3 millóns de m2 dos nosos espazos costeiros millor conservados. Os máis de 50 colectivos cívicos reclamamos á Xunta a retirada dun Plano Acuícola insolidario e insustentábel e máis atención aos nosos recursos naturais.
Imaxes do roteiro polo Pindo dende Quilmas (Carnota) organizado pola Plataforma veciñal pola Defensa do Patrimonio Cultural de Quilmas coa colaboración de ADEGA para impedir que este espazo senlleiro da nosa costa quede destruido pola ampliación de 250.000 metros cadrados da piscifatoría de Stolt.
Segunda parte do vídeo realizado pola RTP (programa Biosfera) que pretende amosar a realidade dos macroproxectos de acuicultura en Galiza e Portugal. Son instalacións de alto impacto ambiental, grande carga contaminante e moi baixa xeración de postos de traballo.
Roteiro organizado pola delegación de ADEGA na Ciosta da Morte o 10 de maio de 2008. Reivindícase a protección deste espazo costeiro, ameazado polo Plano Acuícola e a ocupación de 175.000 metros cadrados de costa en Quilmas (Carnota)
Imaxes dun "incidente" acontecido na planta de gas de REGANOSA en Mugardos, concretamante na unidade de coxeración. Pode verse como logo dun estoupido, un fragmento sae chimpado contra os depósitos do gas licuado
Presentámosvos unha recreación gráfica da proposta que ADEGA e a Plataforma pola Defensa do Patrimonio das Pontes presentaron para salvagardar este xacemento, ser renunciar ao trazado da infraestrutura. É técnicamente posíbel e económicamente viábel. Só falla que os políticos den o paso e se comprometan coa defensa do noso patrimonio.
Os verquidos que realiza Stolt Sea Farm en Lira (Concello de Carnota) luxan o mar e non producen beneficios na zona. Esquilman o medio ambiente e espantan ao turismo.
